Dette legg føringar for kven vi som vaksne skal vere og korleis vi skal opptre, overfor kvarandre som vaksne, og som trygge vaksne overfor barna. Kva verdiar vi skal halde høgt og kva vi skal formidle.
Rammeplanen for barnehagens innhald og oppgåver, set viktige rammer for dette:
Alle barnehagar skal byggje på verdigrunnlaget som er fastsett i barnehagelova og i internasjonale konvensjonar som Noreg har slutta seg til, slik som FN-konvensjonen av 20. november 1989 om rettane til barnet (barnekonvensjonen) og ILO-konvensjon nr. 169 om urfolk og stammefolk i sjølvstendige statar (ILO-konvensjonen).
Å møte individet sitt behov for omsorg, tryggleik, tilhøyrsle og anerkjenning og sikre at barna får ta del i og medverke i fellesskapet, er viktige verdiar som skal speglast i barnehagen. Barnehagen skal fremje demokrati, mangfald og gjensidig respekt, likestilling, berekraftig utvikling, livsmeistring og helse. (Rammeplan s. 7)
Vi ynskjer å skape:
- Varme relasjonar
- Gode minner
- Like høve til læring
- Høve til utvikling av barnets personlege styrker
- Trygge barn
- God sjølvkjensle
- Gruppetilhøyrsle for alle
- Glede
- Varige venskapsband
- Spennande opplevingar
Vi ynskjer å tilby:
- God tid til barna
- Begeistra og engasjerte vaksne
- Å bli sett og høyrt
- Spennande samtalar
- Å utforske verden saman
- Humor og glede
- Venlegheit
- Rausheit og inkludering
- Eit godt og trygt barnehagemiljø